jab maine kaha ai but-e-KHud-kaam ware aa

jab maiñ ne kahā ai but-e-ḳhud-kām vare aa

tab kahne lagā ''chal be o bad-nām pare jaa''

hai sub.h se āshiq kā tire haal nipaT tañg

ma.alūm ye hotā hai ki tā-shām maregā

nāseh mire rone kā na maan.e ho ki āshiq

gar ye na kare kaam to phir kaam kare kyā

aatā hai gar is abr meñ ai sāqī-e-gulfām

to bāda-e-gul-rañg se tū jaam bhare lā

yaañ ziist kā ḳhatra nahīñ haañ khīñchiye talvār

vo ġhair thā jo dekh ke samsām Dare thā

maiñ ne jo kahā ek to bosa tū mujhe de

bolā vo ''zabāñ apnī ko tū thaam are hā!''

gar dīda-o-dil farsh karūñ raah meñ 'jur.at'

mumkin hī nahīñ jo vo dil-ārām dhare pā

jab main ne kaha ai but-e-KHud-kaam ware aa

tab kahne laga chal be o bad-nam pare ja

hai subh se aashiq ka tere haal nipaT tang

malum ye hota hai ki ta-sham marega

naseh mere rone ka na mane ho ki aashiq

gar ye na kare kaam to phir kaam kare kya

aata hai gar is abr mein ai saqi-e-gulfam

to baada-e-gul-rang se tu jam bhare la

yan zist ka KHatra nahin han khinchiye talwar

wo ghair tha jo dekh ke samsam Dare tha

main ne jo kaha ek to bosa tu mujhe de

bola wo zaban apni ko tu tham are ha!

gar dida-o-dil farsh karun rah mein 'jurat'

mumkin hi nahin jo wo dil-aram dhare pa