jab makinon ko makin aaram de sakte nahin

jab makīnoñ ko makīñ ārām de sakte nahīñ

chār-dīvārī ko ghar kā naam de sakte nahīñ

zindagī ne baḳhsh dī hai vo ‘adīm-ul-fursatī

ab to ḳhud ko apne sub.h-o-shām de sakte nahīñ

shāmat-e-ā’māl se ham par musallat ho gayā

ham amīr-e-shahr ko ilzām de sakte nahīñ

dosto karte raheñge aap ke haq meñ du'ā

aur to ḳhidmat koī anjām de sakte nahīñ

pal rahe haiñ kitne bachche rūkhī-sūkhī par 'munīr'

ham unheñ chilġhoza-o-bādām de sakte nahīñ

jab makinon ko makin aaram de sakte nahin

chaar-diwari ko ghar ka nam de sakte nahin

zindagi ne baKHsh di hai wo ‘adim-ul-fursati

ab to KHud ko apne subh-o-sham de sakte nahin

shamat-e-a’mal se hum par musallat ho gaya

hum amir-e-shahr ko ilzam de sakte nahin

dosto karte rahenge aap ke haq mein du'a

aur to KHidmat koi anjam de sakte nahin

pal rahe hain kitne bachche rukhi-sukhi par 'munir'

hum unhen chilghoza-o-baadam de sakte nahin