jab mujhe koi dua de muskurane ke liye

jab mujhe koī duā de muskurāne ke liye

maiñ samajhtā huuñ davā hai ġham bhulāne ke liye

ġham na khā dil nā-tavāñ mushkil masā.ib dekh kar

haiñ havādis āshiqoñ ko āzmāne ke liye

ik tabassum bhī tirā kaafī hai jaañ mahshar talak

ham faqīroñ kī baqā bigḌī banāne ke liye

jo piro kar de rahā huuñ motiyoñ se shā.erī

musta.id itnā nahīñ sab kuchh sunāne ke liye

ik tamāshā sā samajh kar vo kahīñ chalte bane

raqs karte aa.e ham jin ko lubhāne ke liye

is mohabbat ke chaman meñ ik nasheman kī hai chaah

gar 'jamālī' ko ijāzat ho banāne ke liye

jab mujhe koi dua de muskurane ke liye

main samajhta hun dawa hai gham bhulane ke liye

gham na kha dil na-tawan mushkil masaib dekh kar

hain hawadis aashiqon ko aazmane ke liye

ek tabassum bhi tera kafi hai jaan mahshar talak

hum faqiron ki baqa bigDi banane ke liye

jo piro kar de raha hun motiyon se shaeri

mustaid itna nahin sab kuchh sunane ke liye

ek tamasha sa samajh kar wo kahin chalte bane

raqs karte aae hum jin ko lubhane ke liye

is mohabbat ke chaman mein ek nasheman ki hai chah

gar 'jamali' ko ijazat ho banane ke liye