jab muqaddar hi mein hai tanhai se yari pagal

jab muqaddar hī meñ hai tanhā.ī se yaarī pāgal

phir vahī shaḳhs hai kyuuñ zehn pe taarī pāgal

raat bhar terī tamannā ke safar meñ guzrī

duur tak tīrgī-e-rāh pukārī pāgal

mujh ko rukne na diyā merī junūñ-ḳhezī ne

aql kahtī hī rahī fikr se aarī pāgal

tujh ko har sub.h ke āġhāz pe sochā maiñ ne

mujh ko kartī hī rahī merī ḳhumārī pāgal

tū ne kāġhaz pe kabhī naqsh banāyā thā mirā

kar ga.ī mujh ko vahī naqsh-nigārī pāgal

jhuum kar jab mire chehre pe vo lahrā.ī thī

tum ne kis naaz se vo zulf sañvārī pāgal

merā saaya hī faqat saath mire chaltā hai

apne saa.e se hī rakhtī huuñ maiñ yaarī pāgal

us ne dil haar ke 'zaryāb' mujhe jiit liyā

ishq kī riit hai duniyā se niyārī pāgal

jab muqaddar hi mein hai tanhai se yari pagal

phir wahi shaKHs hai kyun zehn pe tari pagal

raat bhar teri tamanna ke safar mein guzri

dur tak tirgi-e-rah pukari pagal

mujh ko rukne na diya meri junun-KHezi ne

aql kahti hi rahi fikr se aari pagal

tujh ko har subh ke aaghaz pe socha main ne

mujh ko karti hi rahi meri KHumari pagal

tu ne kaghaz pe kabhi naqsh banaya tha mera

kar gai mujh ko wahi naqsh-nigari pagal

jhum kar jab mere chehre pe wo lahrai thi

tum ne kis naz se wo zulf sanwari pagal

mera saya hi faqat sath mere chalta hai

apne sae se hi rakhti hun main yari pagal

us ne dil haar ke 'zaryab' mujhe jit liya

ishq ki rit hai duniya se niyari pagal