jab nazar ja na sake hadd-e-nazar se aage

jab nazar jā na sake hadd-e-nazar se aage

kaun soche ki hai kuchh aur bhī ghar se aage

manzil-e-ishq meñ ham ko koī aisā na milā

jis kī manzil ho tirī rāhguzar se aage

jab talak saa.e meñ baiThe ho ġhanīmat jaano

duur tak dhuup kā sahrā hai shajar se aage

jo tire dar se uThe haiñ unheñ ma.alūm kahāñ

kūcha-e-dar-ba-darī hai tire dar se aage

manzileñ muntazir-e-chashm-e-tamāshā hī raheñ

qāfile jā na sake gard-e-safar se aage

'ḳhāvar' is shahr meñ ham ahl-e-hunar par ye khulā

ek shai be-hunarī bhī hai hunar se aage

jab nazar ja na sake hadd-e-nazar se aage

kaun soche ki hai kuchh aur bhi ghar se aage

manzil-e-ishq mein hum ko koi aisa na mila

jis ki manzil ho teri rahguzar se aage

jab talak sae mein baiThe ho ghanimat jaano

dur tak dhup ka sahra hai shajar se aage

jo tere dar se uThe hain unhen malum kahan

kucha-e-dar-ba-dari hai tere dar se aage

manzilen muntazir-e-chashm-e-tamasha hi rahen

qafile ja na sake gard-e-safar se aage

'KHawar' is shahr mein hum ahl-e-hunar par ye khula

ek shai be-hunari bhi hai hunar se aage