jab nazar usne milai hogi

jab nazar us ne milā.ī hogī

lab pe aalam ke duhā.ī hogī

un kī be-vaj.h burā.ī hogī

muñh se niklī to parā.ī hogī

vo mujhe dekhne aate hamdam

tū ne kuchh baat banā.ī hogī

māñgtā huuñ jo duā-e-vahshat

hasrat-e-ābla-pā.ī hogī

ishq meñ aur dil-e-zār kī qadr

zabt ne baat baḌhā.ī hogī

aa.e din kī to ye ranjish Thahrī

kis tarah un se safā.ī hogī

dil 'rashīd' un se lagāyā bhī to kyā

na burā.ī na bhalā.ī hogī

jab nazar us ne milai hogi

lab pe aalam ke duhai hogi

un ki be-wajh burai hogi

munh se nikli to parai hogi

wo mujhe dekhne aate hamdam

tu ne kuchh baat banai hogi

mangta hun jo dua-e-wahshat

hasrat-e-abla-pai hogi

ishq mein aur dil-e-zar ki qadr

zabt ne baat baDhai hogi

aae din ki to ye ranjish Thahri

kis tarah un se safai hogi

dil 'rashid' un se lagaya bhi to kya

na burai na bhalai hogi