jab nigahen laDin nigahon se
jab nigāheñ laḌīñ nigāhoñ se
āñdhiyāñ uTThīñ dil kī rāhoñ se
jurm sābit na ho to jurm nahīñ
qatl karte raho nigāhoñ se
ham ne tūfān paal rakkhe haiñ
apne ashkoñ se apnī aahoñ se
apne jalvoñ ko dekhne ke liye
ḳhud ko dekho mirī nigāhoñ se
gard-e-rah kā bhī ehtirām karo
us ko nisbat hai bādshāhoñ se
is tarah sāmne vo aate haiñ
dekhā jaatā nahīñ nigāhoñ se
terī rahmat ko rakh ke madd-e-nazar
dil ko bahlā liyā gunāhoñ se
vahī dil ke qarīb rahte haiñ
duur rahte haiñ jo nigāhoñ se
jab se dhoke diye haiñ dil ne mujhe
bach ke rahtā huuñ ḳhair-ḳhvāhoñ se
zarra zarra mahak uThā hai jigar
kaun guzrā hai dil kī rāhoñ se
jab nigahen laDin nigahon se
aandhiyan uTThin dil ki rahon se
jurm sabit na ho to jurm nahin
qatl karte raho nigahon se
hum ne tufan pal rakkhe hain
apne ashkon se apni aahon se
apne jalwon ko dekhne ke liye
KHud ko dekho meri nigahon se
gard-e-rah ka bhi ehtiram karo
us ko nisbat hai baadshahon se
is tarah samne wo aate hain
dekha jata nahin nigahon se
teri rahmat ko rakh ke madd-e-nazar
dil ko bahla liya gunahon se
wahi dil ke qarib rahte hain
dur rahte hain jo nigahon se
jab se dhoke diye hain dil ne mujhe
bach ke rahta hun KHair-KHwahon se
zarra zarra mahak uTha hai jigar
kaun guzra hai dil ki rahon se
Source:
Khoon-e-Jigar (Pg. 53)
- Author: Jigar Jalandhari
-
- Edition: 1984
- Publisher: Deepak Publishers, Jalandhar
- Year of Publication: 1984
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
