jab nikle rae-shumari ko

jab nikle rā.e-shumārī ko

to Thes lagī ḳhuddārī ko

ham vo nādāñ haiñ jin se kabhī

ḳhatra thā tirī hushyārī ko

ab kis se kaheñ in galiyoñ meñ

aa.e the vaqt-guzārī ko

kyā sach kī majāl ki rad kar de

ik jhūTh kī dā’ve-dārī ko

ye suiT ye tie ḳhair to hai

kyā samjheñ is tayyārī ko

jab nikle rae-shumari ko

to Thes lagi KHuddari ko

hum wo nadan hain jin se kabhi

KHatra tha teri hushyari ko

ab kis se kahen in galiyon mein

aae the waqt-guzari ko

kya sach ki majal ki rad kar de

ek jhuTh ki da’we-dari ko

ye suiT ye tie KHair to hai

kya samjhen is tayyari ko