jab panw mila tha to raste bhi nazar aate

jab paañv milā thā to raste bhī nazar aate

tum tak na sahī lekin tā-hadd-e-nazar jaate

tum aañkh nahīñ rakhte aur dekhte ho sab kuchh

ham aañkh bhī rakhte haiñ aur dekh nahīñ paate

har raah to manzil tak le jaatī nahīñ sab ko

kuchh der idhar chalte kuchh der udhar jaate

parda vo uThāyā to parda hī nazar aayā

jab kuchh na nazar aayā to kyuuñ na Thahar jaate

ye ishq nahīñ ye hai kam-bīnī o kam-aqalī

ik lutf-e-tabassum par itnā nahīñ itrāte

jo ho na 'jamīl' apnā auroñ kā vo kyā hogā

kyā khāoge ġham merā tum apnā hī ġham khāte

jab panw mila tha to raste bhi nazar aate

tum tak na sahi lekin ta-hadd-e-nazar jate

tum aankh nahin rakhte aur dekhte ho sab kuchh

hum aankh bhi rakhte hain aur dekh nahin pate

har rah to manzil tak le jati nahin sab ko

kuchh der idhar chalte kuchh der udhar jate

parda wo uThaya to parda hi nazar aaya

jab kuchh na nazar aaya to kyun na Thahar jate

ye ishq nahin ye hai kam-bini o kam-aqali

ek lutf-e-tabassum par itna nahin itraate

jo ho na 'jamil' apna auron ka wo kya hoga

kya khaoge gham mera tum apna hi gham khate