jab sahar chup ho hansa lo hum ko

jab sahar chup ho hañsā lo ham ko

jab añdherā ho jalā lo ham ko

ham haqīqat haiñ nazar aate haiñ

dāstānoñ meñ chhupā lo ham ko

ḳhuun kā kaam ravāñ rahnā hai

jis jagah chāho bahā lo ham ko

din na pā jaa.e kahīñ shab kā raaz

sub.h se pahle uThā lo ham ko

ham zamāne ke satā.e haiñ bahut

apne siine se lagā lo ham ko

vaqt ke hoñT hameñ chhū leñge

an-kahe bol haiñ gā lo ham ko

jab sahar chup ho hansa lo hum ko

jab andhera ho jala lo hum ko

hum haqiqat hain nazar aate hain

dastanon mein chhupa lo hum ko

KHun ka kaam rawan rahna hai

jis jagah chaho baha lo hum ko

din na pa jae kahin shab ka raaz

subh se pahle uTha lo hum ko

hum zamane ke satae hain bahut

apne sine se laga lo hum ko

waqt ke honT hamein chhu lenge

an-kahe bol hain ga lo hum ko