jab se terī aañkh ham se phir ga.ī
halqa-e-ġham meñ tabī.at ghir ga.ī
fauj-e-mizhgāñ meñ mere ḳhuuñ ke liye
chashm kī gardish se kauḌī phir ga.ī
mohtasib kī aañkh par jab se chaḌhī
duḳht-e-raz shīshe ke dil se gir ga.ī
nā-tavānoñ ke liye tūfān kyā
qatra-e-shabnam meñ juuhī tar ga.ī
sāqiyā koī balā thā mohtasib
ḳhairiyat guzrī jo ḳhum ke sir ga.ī
murda merā dekh kar bolā vo shoḳh
kyoñ 'nasīm' ab aañkh terī phir ga.ī
jab se teri aankh hum se phir gai
halqa-e-gham mein tabiat ghir gai
fauj-e-mizhgan mein mere KHun ke liye
chashm ki gardish se kauDi phir gai
mohtasib ki aankh par jab se chaDhi
duKHt-e-raz shishe ke dil se gir gai
na-tawanon ke liye tufan kya
qatra-e-shabnam mein juhi tar gai
saqiya koi bala tha mohtasib
KHairiyat guzri jo KHum ke sir gai
murda mera dekh kar bola wo shoKH
kyon 'nasim' ab aankh teri phir gai
Source:
Deewan-e-Naseem (Pg. 34)
-
Author:
Pandit Daya Shankar Naseem Lakhnawi
-
- Publisher: Matba Gulshan-e-Faiz, Lucknow
- Year of Publication: 1895
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.