jab tabiat hi na hazir ho huzuri kya hai

jab tabī.at hī na hāzir ho huzūrī kyā hai

zohd ho vaj.h-e-tafāḳhur to zarūrī kyā hai

ḳhalaq ke Dar se jo sajda bhī hai īqān bhī hai

naam tuurī ho qusūrī ho futūrī kyā hai

rak.ateñ dil se paḌho aaTh hoñ bārah hoñ yā biis

shart iḳhlās hai aadhī hoñ yā puurī kyā hai

ye to varzish hai qavā.ed haiñ na rasm aur rivāj

dil se niklegī to vaañ jaane meñ duurī kyā hai

us ke darbār meñ bas ijz hai sikka raa.ij

ho bashar ḳhākī ki naarī ho ki nuurī kyā hai

jab tabiat hi na hazir ho huzuri kya hai

zohd ho wajh-e-tafaKHur to zaruri kya hai

KHalaq ke Dar se jo sajda bhi hai iqan bhi hai

nam turi ho qusuri ho futuri kya hai

rakaten dil se paDho aaTh hon barah hon ya bis

shart iKHlas hai aadhi hon ya puri kya hai

ye to warzish hai qawaed hain na rasm aur riwaj

dil se niklegi to wan jaane mein duri kya hai

us ke darbar mein bas ijz hai sikka raij

ho bashar KHaki ki nari ho ki nuri kya hai