jab tak wo shoala-ru mere pesh-e-nazar na tha

jab tak vo sho.ala-rū mire pesh-e-nazar na thā

maiñ āshnā-e-lazzat soz-e-jigar na thā

e.azāz-e-rañg-o-bū se navāzā gayā use

jis gul ke sar pe sāya-e-shāḳh-e-shajar na thā

afsos aap se na huā azm-e-iltifāt

varna mirā pahāḌ kī choTī pe ghar na thā

jo āsmāñ kī jhiil meñ chamkā tamām raat

vo terā ak-e-naqsh-e-qadam thā qamar na thā

shabnam se tar thā mere sirhāne kā surḳh phuul

lekin abhī to raat kā pichhlā pahar na thā

guzrī hai yuuñ uThā.e hue zindagī kā bojh

jaise maiñ koī pul kā sutūñ thā bashar na thā

jab tak wo shoala-ru mere pesh-e-nazar na tha

main aashna-e-lazzat soz-e-jigar na tha

eazaz-e-rang-o-bu se nawaza gaya use

jis gul ke sar pe saya-e-shaKH-e-shajar na tha

afsos aap se na hua azm-e-iltifat

warna mera pahaD ki choTi pe ghar na tha

jo aasman ki jhil mein chamka tamam raat

wo tera ak-e-naqsh-e-qadam tha qamar na tha

shabnam se tar tha mere sirhane ka surKH phul

lekin abhi to raat ka pichhla pahar na tha

guzri hai yun uThae hue zindagi ka bojh

jaise main koi pul ka sutun tha bashar na tha