jab teri bazm se ba-dida-e-nam uThte hain

jab tirī bazm se bā-dīda-e-nam uThte haiñ

ab nahīñ ā.eñge ye khā ke qasam uThte haiñ

ham vo bezār-e-zamāna haiñ kahīñ jaate nahīñ

baiTh jaa.eñ kisī mahfil meñ to kam uThte haiñ

kitne mazlūm haiñ ham chāhne vāloñ meñ miyāñ

ham pe yāroñ ke yahāñ dast-e-sitam uThte haiñ

aap jaane kā takalluf na kareñ bahr-e-ḳhudā

aa.iye baiThiye is bazm se ham uThte haiñ

ham se mai-ḳhvār ko kyā tauba kī talqīn yahāñ

haath meñ jaam liye pīr-e-haram uThte haiñ

sādgī dīdanī hotī hai vo jab kahte haiñ

aaj is duniyā se 'mariyam' kī qasam uThte haiñ

jab teri bazm se ba-dida-e-nam uThte hain

ab nahin aaenge ye kha ke qasam uThte hain

hum wo bezar-e-zamana hain kahin jate nahin

baiTh jaen kisi mahfil mein to kam uThte hain

kitne mazlum hain hum chahne walon mein miyan

hum pe yaron ke yahan dast-e-sitam uThte hain

aap jaane ka takalluf na karen bahr-e-KHuda

aaiye baiThiye is bazm se hum uThte hain

hum se mai-KHwar ko kya tauba ki talqin yahan

hath mein jam liye pir-e-haram uThte hain

sadgi didani hoti hai wo jab kahte hain

aaj is duniya se 'mariyam' ki qasam uThte hain