jab tumhaare ishq mein maine jalain ungliyan

jab tumhāre ishq meñ maiñ ne jalā.īñ uñgliyāñ

mere pāgal-pan pe tum ne bhī uThā.īñ uñgliyāñ

chāhatoñ ke dā.ere jab be-nishāñ hone lage

phir mire ḳhūn-e-tamannā meñ nahā.īñ uñgliyāñ

raat phir aisā huā ki peḌ ke saa.e tale

yaad aa.e tum tumhārī yaad aa.iiñ uñgliyāñ

chāhatoñ ke silsile jab darmiyāñ baḌhne lage

us ne bāloñ meñ mire apnī ghumā.īñ uñgliyāñ

zindagī merī bhī us dam jhūmne gaane lagī

fart-e-ulfat se mirī us ne dabā.īñ uñgliyāñ

jab milī tahrīk mujh ko qāfiya-paimā.ī kī

harf kī hurmat liye sajde ko aa.iiñ uñgliyāñ

sar-nigūñ kar ke jo pahuñchī rauza-e-aqdas pe maiñ

jab duā ko haath uThā.e kapkapā.īñ uñgliyāñ

chashm-o-dil dekhā kiye ki haath meñ 'afroz' kī

uñgliyoñ se mil ke us kī jagmagā.īñ uñgliyāñ

jab tumhaare ishq mein main ne jalain ungliyan

mere pagal-pan pe tum ne bhi uThain ungliyan

chahaton ke daere jab be-nishan hone lage

phir mere KHun-e-tamanna mein nahain ungliyan

raat phir aisa hua ki peD ke sae tale

yaad aae tum tumhaari yaad aain ungliyan

chahaton ke silsile jab darmiyan baDhne lage

us ne baalon mein mere apni ghumain ungliyan

zindagi meri bhi us dam jhumne gane lagi

fart-e-ulfat se meri us ne dabain ungliyan

jab mili tahrik mujh ko qafiya-paimai ki

harf ki hurmat liye sajde ko aain ungliyan

sar-nigun kar ke jo pahunchi rauza-e-aqdas pe main

jab dua ko hath uThae kapkapain ungliyan

chashm-o-dil dekha kiye ki hath mein 'afroz' ki

ungliyon se mil ke us ki jagmagain ungliyan