jab us ka idhar hum guzar dekhte hain
jab us kā idhar ham guzar dekhte haiñ
to kar dil meñ kyā kyā hazar dekhte haiñ
udhar tiir chalte haiñ nāz-o-adā ke
idhar apnā siina sipar dekhte haiñ
sitam hai kan-añkhiyoñ se gar taak liije
ġhazab hai agar aañkh bhar dekhte haiñ
na dekheñ to ye haal hotā hai dil kā
ki sau sau taḌap ke asar dekhte haiñ
jo dekheñ to ye jī meñ guzre hai ḳhatra
abhī sar uḌegā agar dekhte haiñ
magar is tarah dekhte haiñ ki us par
ye sābit na ho jo udhar dekhte haiñ
chhupā kar daġhā kar 'nazīr' us sanam ko
ġharaz har tarah ik nazar dekhte haiñ
jab us ka idhar hum guzar dekhte hain
to kar dil mein kya kya hazar dekhte hain
udhar tir chalte hain naz-o-ada ke
idhar apna sina sipar dekhte hain
sitam hai kan-ankhiyon se gar tak lije
ghazab hai agar aankh bhar dekhte hain
na dekhen to ye haal hota hai dil ka
ki sau sau taDap ke asar dekhte hain
jo dekhen to ye ji mein guzre hai KHatra
abhi sar uDega agar dekhte hain
magar is tarah dekhte hain ki us par
ye sabit na ho jo udhar dekhte hain
chhupa kar dagha kar 'nazir' us sanam ko
gharaz har tarah ek nazar dekhte hain
Source:
Kulliyat-e-Nazeer (Pg. 117(230))
- Author: Nazeer Akbarabadi
-
- Publisher: Munshi Nawal Kishor, Lucknow
- Year of Publication: 1951
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
