jabhi to zaKHm bhi gahra nahin hai
jabhī to zaḳhm bhī gahrā nahīñ hai
jo sañg aayā hai vo pahlā nahīñ hai
kabhī chehre the ā.īne nahīñ the
ab ā.īna hai aur chehra nahīñ hai
ye ik shā.er ki jis ko 'shauq' kahte
kabhī ik haal meñ rahtā nahīñ hai
kabhī har lafz e.ajāz-e-masīhā!
kabhī yuuñ jaise kuchh kahnā nahīñ hai
kabhī āñkheñ samundar sī saḳhī haiñ
kabhī dariyā meñ ik qatra nahīñ hai
bahut haiñ us kī darveshī ke charche
magar darvesh bhī aisā nahīñ hai
na raas aayā to ye bhī chhoḌ deñge
tirā darvāza hai duniyā nahīñ hai
jabhi to zaKHm bhi gahra nahin hai
jo sang aaya hai wo pahla nahin hai
kabhi chehre the aaine nahin the
ab aaina hai aur chehra nahin hai
ye ek shaer ki jis ko 'shauq' kahte
kabhi ek haal mein rahta nahin hai
kabhi har lafz eajaz-e-masiha!
kabhi yun jaise kuchh kahna nahin hai
kabhi aankhen samundar si saKHi hain
kabhi dariya mein ek qatra nahin hai
bahut hain us ki darweshi ke charche
magar darwesh bhi aisa nahin hai
na ras aaya to ye bhi chhoD denge
tera darwaza hai duniya nahin hai
Source:
Monthly Usloob (Pg. 512)
- Author: Mushfiq Khawaja
-
- Edition: Oct. õ Nov. 1983,Issue No. 5-6
- Publisher: Usloob 3D 9—26 Nazimabad karachi 180007
- Year of Publication: Oct. õ Nov. 1983,Issue No. 5-6
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
