jabīñ-e-navāz kisī kī fusūñ-garī kyuuñ hai
sarisht-e-husn meñ is darja dilkashī kyuuñ hai
kisī kī saada jabīñ kyuuñ banī hai sehr-tarāz
kisī kī baat meñ ejāz-e-īsvī kyuuñ hai
kisī kī zulf-e-mo.ambar meñ kyuuñ hai gīrā.ī
fidā-e-gesū-e-mushkeñ ye zindagī kyuuñ hai
tire shi.ār-e-taġhāful pe zindagī qurbāñ
tire shi.ār-e-taġhāful meñ dilkashī kyuuñ hai
kahīñ ziyā-e-tabassum na ho karam-farmā
jumūd-e-qalb meñ haijān-e-zindagī kyuuñ hai
ye kab kahā hai ki tum vaj.h-e-shorish-e-dil ho
ye pūchhtā huuñ ki dil meñ ye bekalī kyuuñ hai
nigāh-e-nāz ki vābasta-e-jigar thī kabhī
batā fareb-e-tamannā ki sarsarī kyuuñ hai
bhaTak bhaTak ke maiñ nākām-e-justujū hī rahā
ḳhamosh mere liye sham-e-rahbarī kyuuñ hai
hayāt-o-maut na apnī na maiñ hī ḳhud apnā
mire vajūd pe ilzām-e-zindagī kyuuñ hai
rag-e-hayāt meñ dauḌā ke barq-e-sartābī
ḳhatā-muāf ye ilzām-e-ḳhud-sarī kyuuñ hai
bisāt-e-dahr sahī jalva-gāh-e-husn-e-azal
nigāh-e-shauq fuġhāñ-sanj-e-tishnagī kyuuñ hai
jabin-e-nawaz kisi ki fusun-gari kyun hai
sarisht-e-husn mein is darja dilkashi kyun hai
kisi ki sada jabin kyun bani hai sehr-taraaz
kisi ki baat mein ejaz-e-iswi kyun hai
kisi ki zulf-e-moambar mein kyun hai girai
fida-e-gesu-e-mushken ye zindagi kyun hai
tere shiar-e-taghaful pe zindagi qurban
tere shiar-e-taghaful mein dilkashi kyun hai
kahin ziya-e-tabassum na ho karam-farma
jumud-e-qalb mein haijaan-e-zindagi kyun hai
ye kab kaha hai ki tum wajh-e-shorish-e-dil ho
ye puchhta hun ki dil mein ye bekali kyun hai
nigah-e-naz ki wabasta-e-jigar thi kabhi
bata fareb-e-tamanna ki sarsari kyun hai
bhaTak bhaTak ke main nakaam-e-justuju hi raha
KHamosh mere liye sham-e-rahbari kyun hai
hayat-o-maut na apni na main hi KHud apna
mere wajud pe ilzam-e-zindagi kyun hai
rag-e-hayat mein dauDa ke barq-e-sartabi
KHata-muaf ye ilzam-e-KHud-sari kyun hai
bisat-e-dahr sahi jalwa-gah-e-husn-e-azal
nigah-e-shauq fughan-sanj-e-tishnagi kyun hai
Source:
Jalwa-e-sab rang (Pg. E-78 B-77)
-
Author:
Habeeb Ahmad Siddiqui
-
- Edition: 1948
- Publisher: Matba Intizami, Kanpur
- Year of Publication: 1948
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.