jafa ke zikr pe wo bad-hawas kaisa hai
jafā ke zikr pe vo bad-havās kaisā hai
zarā sī baat thī lekin udaas kaisā hai
na jaane kaun fazāoñ meñ zahr ghol gayā
harā-bharā sā shajar be-libās kaisā hai
mirī tarah se na haq baat tum kaho dekho
balā kā saaya mire ās-pās kaisā hai
ye faisla hai ki ham apne haq se baaz aa.eñ
to phir ye lahja ye tirā, iltimās kaisā hai
vahī jo shahr ke logoñ meñ thā bahut bad-nām
vahī to aaj sarāpā sipās kaisā hai
maiñ kyā kahūñ ki maiñ kyuuñ dil se ho gayā majbūr
tum hī batāo ki vo ḳhush-libās kaisā hai
jafa ke zikr pe wo bad-hawas kaisa hai
zara si baat thi lekin udas kaisa hai
na jaane kaun fazaon mein zahr ghol gaya
hara-bhara sa shajar be-libas kaisa hai
meri tarah se na haq baat tum kaho dekho
bala ka saya mere aas-pas kaisa hai
ye faisla hai ki hum apne haq se baz aaen
to phir ye lahja ye tira, iltimas kaisa hai
wahi jo shahr ke logon mein tha bahut bad-nam
wahi to aaj sarapa sipas kaisa hai
main kya kahun ki main kyun dil se ho gaya majbur
tum hi batao ki wo KHush-libas kaisa hai
Source:
Mata-e-Aainda (Pg. 115)
- Author: Abdussamad Tapish
-
- Edition: 2000
- Publisher: Abdussamad Tapish
- Year of Publication: 2000
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
