jahan-e-marg-e-sada mein ek aur silsila KHatm ho gaya hai
jahān-e-marg-e-sadā meñ ik aur silsila ḳhatm ho gayā hai
kalām ya.anī ḳhudā kā ham se mukālima ḳhatm ho gayā hai
hameñ to bas ye pata chalā thā ki ūñToñ vaale chale ga.e haiñ
kisī ko is kī ḳhabar nahīñ jo mo.āmla ḳhatm ho gayā hai
na titliyoñ jaisī dopahar hai na ab vo sūraj gulāb jaisā
jise mohabbat kahā gayā vo muġhālta ḳhatm ho gayā hai
tumhārī bātoñ ke jin pe shahtūt jhaḌ rahe hoñ vahī batā.eñ
ki talḳh-ābād meñ hamārā to zā.iqa ḳhatm ho gayā hai
hamārī āñkhoñ se ḳhvāb o ḳhas ke tamām pushte haTā.e jaa.eñ
hamārā nārāz pāniyoñ se muāhida ḳhatm ho gayā hai
ab is liye bhī hameñ mohabbat ko tuul denā paḌegā 'tābish'
kisī ne pūchhā to kyā kaheñge ki silsila ḳhatm ho gayā hai
jahan-e-marg-e-sada mein ek aur silsila KHatm ho gaya hai
kalam yani KHuda ka hum se mukalima KHatm ho gaya hai
hamein to bas ye pata chala tha ki unTon wale chale gae hain
kisi ko is ki KHabar nahin jo moamla KHatm ho gaya hai
na titliyon jaisi dopahar hai na ab wo suraj gulab jaisa
jise mohabbat kaha gaya wo mughaalta KHatm ho gaya hai
tumhaari baaton ke jin pe shahtut jhaD rahe hon wahi bataen
ki talKH-abaad mein hamara to zaiqa KHatm ho gaya hai
hamari aankhon se KHwab o KHas ke tamam pushte haTae jaen
hamara naraaz paniyon se muahida KHatm ho gaya hai
ab is liye bhi hamein mohabbat ko tul dena paDega 'tabish'
kisi ne puchha to kya kahenge ki silsila KHatm ho gaya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
