jahan-e-reg tera aab dekhne ke liye

jahān-e-reg tirā aab dekhne ke liye

milī hai aañkh mujhe ḳhvāb dekhne ke liye

gahan lagā de agar zulf se tū chehre par

maiñ aañkh phoḌ luuñ mahtāb dekhne ke liye

ye kyā sitam hai ki aatā huuñ ek sahrā se

zarā sī ghaas ko shādāb dekhne ke liye

uThe the shauq se apnā hī chain kho baiThe

vo mere haal ko betāb dekhne ke liye

lahū kiyā hai jo paanī to ab falāh mirī

chalī hai jhuum ke tālāb dekhne ke liye

zarā sā aur Thahar jā to par lagegā tirā

to ham bhī ā.eñge surḳhāb dekhne ke liye

pakaḌ meñ aa gayā ehsās chhup ke aayā thā

ġhamoñ kī jhiil meñ sailāb dekhne ke liye

tujhe parakh hī nahīñ hai maiñ ek 'aḳhtar' huuñ

to phir taras tū mirā ḳhvāb dekhne ke liye

jahan-e-reg tera aab dekhne ke liye

mili hai aankh mujhe KHwab dekhne ke liye

gahan laga de agar zulf se tu chehre par

main aankh phoD lun mahtab dekhne ke liye

ye kya sitam hai ki aata hun ek sahra se

zara si ghas ko shadab dekhne ke liye

uThe the shauq se apna hi chain kho baiThe

wo mere haal ko betab dekhne ke liye

lahu kiya hai jo pani to ab falah meri

chali hai jhum ke talab dekhne ke liye

zara sa aur Thahar ja to par lagega tera

to hum bhi aaenge surKHab dekhne ke liye

pakaD mein aa gaya ehsas chhup ke aaya tha

ghamon ki jhil mein sailab dekhne ke liye

tujhe parakh hi nahin hai main ek 'aKHtar' hun

to phir taras tu mera KHwab dekhne ke liye