jahan hai chhat meri dar bhi wahin nikalta hun

jahāñ hai chhat mirī dar bhī vahīñ nikāltā huuñ

maiñ apne qadmoñ se apnī zamīñ nikāltā huuñ

khaḌī hai phir koī dīvār mere raste meñ

lahūluhān maiñ phir se jabīñ nikāltā huuñ

ye saañp mere gale se lipaTne lagte haiñ

maiñ apne kurte se jab āstīñ nikāltā huuñ

zamāna ho gayā tū ne jise girāyā thā

maiñ us makān se ab tak makīñ nikāltā huuñ

zalīl kar mujhe lekin bahut zalīl na kar

ye zahr maiñ bhī to jā kar kahīñ nikāltā huuñ

ai bamba.ī maiñ tujhe vārtā huuñ tujh par hī

jo tū ne mujh ko diyā hai yahīñ nikāltā huuñ

nadī bhī aaj akelī hī bahnā chāhtī hai

to aaj maiñ bhī ye kashtī nahīñ nikāltā huuñ

jahan hai chhat meri dar bhi wahin nikalta hun

main apne qadmon se apni zamin nikalta hun

khaDi hai phir koi diwar mere raste mein

lahuluhan main phir se jabin nikalta hun

ye sanp mere gale se lipaTne lagte hain

main apne kurte se jab aastin nikalta hun

zamana ho gaya tu ne jise giraya tha

main us makan se ab tak makin nikalta hun

zalil kar mujhe lekin bahut zalil na kar

ye zahr main bhi to ja kar kahin nikalta hun

ai bambai main tujhe warta hun tujh par hi

jo tu ne mujh ko diya hai yahin nikalta hun

nadi bhi aaj akeli hi bahna chahti hai

to aaj main bhi ye kashti nahin nikalta hun