aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jahan kuchh log diwane bane hain

Yazdani Jalandhari

jahan kuchh log diwane bane hain

Yazdani Jalandhari

MORE BYYazdani Jalandhari

    jahāñ kuchh log dīvāne bane haiñ

    baḌe dilchasp afsāne bane haiñ

    haqīqat kuchh to hotī hai yaqīnan

    kahīñ jhūTe bhī afsāne bane haiñ

    bahut nāzāñ the jo farzāngī par

    unheñ dekhā to dīvāne bane haiñ

    ki andāz-e-nazar āzarī se

    diloñ meñ kitne but-ḳhāne bane haiñ

    jo sho.ala sham.a ke dil meñ hai raushan

    usī sho.ale se parvāne bane haiñ

    ye kis saaqī faizān-e-nazar hai

    chaman meñ phuul paimāne bane haiñ

    qayāmat thā mirā mahfil se uThnā

    na jaane kitne afsāne bane haiñ

    mirī dīvāngī par hañsne vaale

    ba-zom-e-ḳhvesh farzāne bane haiñ

    jalī haiñ zehn meñ yādoñ sham.eñ

    tasavvur meñ sanam-ḳhāne bane haiñ

    ba-nām-e-ġham ba-unvān-e-mohabbat

    junūñ-afroz afsāne bane haiñ

    zamāne se ho 'yazdānī' gila kyā

    ki jo apne the begāne bane haiñ

    jahan kuchh log diwane bane hain

    baDe dilchasp afsane bane hain

    haqiqat kuchh to hoti hai yaqinan

    kahin jhuTe bhi afsane bane hain

    bahut nazan the jo farzangi par

    unhen dekha to diwane bane hain

    ki andaz-e-nazar ki aazari se

    dilon mein kitne but-KHane bane hain

    jo shoala shama ke dil mein hai raushan

    usi shoale se parwane bane hain

    ye kis saqi ka faizan-e-nazar hai

    chaman mein phul paimane bane hain

    qayamat tha mera mahfil se uThna

    na jaane kitne afsane bane hain

    meri diwangi par hansne wale

    ba-zom-e-KHwesh farzane bane hain

    jali hain zehn mein yaadon ki shamen

    tasawwur mein sanam-KHane bane hain

    ba-nam-e-gham ba-unwan-e-mohabbat

    junun-afroz afsane bane hain

    zamane se ho 'yazdani' gila kya

    ki jo apne the begane bane hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now