jahan mein hum jise bhi pyar ke qabil samajhte hain
jahāñ meñ ham jise bhī pyaar ke qābil samajhte haiñ
haqīqat meñ usī ko ziist kā hāsil samajhte haiñ
milā kartā hai dast-e-ġhaib se maḳhsūs bandoñ ko
kisī ke dard ko ham kā.enāt-e-dil samajhte haiñ
jinheñ shauq-e-talab ne quvvat-e-bāzū atā kī hai
talātum-ḳhez tuġhyānī ko vo sāhil samajhte haiñ
sitam aise kiye tamsīl jin kī mil nahīñ saktī
magar vo is jafā ko avvalīñ manzil samajhte haiñ
mohabbat lafz to saada sā hai lekin 'azīz' is ko
matā-e-dil samajhte the matā-e-dil samajhte haiñ
jahan mein hum jise bhi pyar ke qabil samajhte hain
haqiqat mein usi ko zist ka hasil samajhte hain
mila karta hai dast-e-ghaib se maKHsus bandon ko
kisi ke dard ko hum kaenat-e-dil samajhte hain
jinhen shauq-e-talab ne quwwat-e-bazu ata ki hai
talatum-KHez tughyani ko wo sahil samajhte hain
sitam aise kiye tamsil jin ki mil nahin sakti
magar wo is jafa ko awwalin manzil samajhte hain
mohabbat lafz to sada sa hai lekin 'aziz' is ko
mata-e-dil samajhte the mata-e-dil samajhte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
