jahan mein kuchh nahin mushkil agar kiya jae

jahāñ meñ kuchh nahīñ mushkil agar kiyā jaa.e

jo mas.ala ho use darguzar kiyā jaa.e

inhī shikasta charāġhoñ meñ raushnī hogī

inhī jale hue ḳhemoñ ko ghar kiyā jaa.e

inhī kaTe hue hāthoñ se mo'jiza hogā

isī phaTe hue siine ko sar kiyā jaa.e

zarūr hogī hameñ bhī nasīb lazzat-e-sang

junūn hai to use mo'tabar kiyā jaa.e

lahū ke paar koī muntazir hai āḳhir-e-shab

kamāl-e-zabt se aage safar kiyā jaa.e

jahan mein kuchh nahin mushkil agar kiya jae

jo masala ho use darguzar kiya jae

inhi shikasta charaghon mein raushni hogi

inhi jale hue KHemon ko ghar kiya jae

inhi kaTe hue hathon se mo'jiza hoga

isi phaTe hue sine ko sar kiya jae

zarur hogi hamein bhi nasib lazzat-e-sang

junun hai to use mo'tabar kiya jae

lahu ke par koi muntazir hai aaKHir-e-shab

kamal-e-zabt se aage safar kiya jae