jahan na teri mahak ho udhar na jaun main
jahāñ na terī mahak ho udhar na jā.ūñ maiñ
mirī sarisht safar hai guzar na jā.ūñ maiñ
mire badan meñ khule jangaloñ kī miTTī hai
mujhe sañbhāl ke rakhnā bikhar na jā.ūñ maiñ
mire mizāj meñ be-mā'nī uljhaneñ haiñ bahut
mujhe udhar se bulānā jidhar na jā.ūñ maiñ
kahīñ pukār na le gahrī vādiyoñ kā sukūt
kisī maqām pe aa kar Thahar na jā.ūñ maiñ
na jaane kaun se lamhe kī bad-du'ā hai ye
qarīb ghar ke rahūñ aur ghar na jā.ūñ maiñ
jahan na teri mahak ho udhar na jaun main
meri sarisht safar hai guzar na jaun main
mere badan mein khule jangalon ki miTTi hai
mujhe sanbhaal ke rakhna bikhar na jaun main
mere mizaj mein be-ma'ni uljhanen hain bahut
mujhe udhar se bulana jidhar na jaun main
kahin pukar na le gahri wadiyon ka sukut
kisi maqam pe aa kar Thahar na jaun main
na jaane kaun se lamhe ki bad-du'a hai ye
qarib ghar ke rahun aur ghar na jaun main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.