ye kaun jalwa-fagan hai meri nigahon mein
ye kaun jalva-fagan hai mirī nigāhoñ meñ
qadam qadam pe barastā hai nuur rāhoñ meñ
bharosa had se sivā thā mujhe kabhī jis par
mire ḳhilāf hai shāmil vahī gavāhoñ meñ
supurdagī kā ye aalam bhī kyā qayāmat hai
simaT ke yuuñ terā aa jaanā merī bāhoñ meñ
tirī panāh meñ rah kar bhī jo nahīñ mahfūz
mirā shumār hai aise hī be-panāhoñ meñ
kab āsmān kā phahTtā hai dil ye dekhnā hai
badal rahī haiñ mirī siskiyāñ karāhoñ meñ
maiñ kaise pesh karūñ da.avā pārsā.ī kā
maiñ ek umr mulavvis rahā gunāhoñ meñ
banā hai jab se vo 'nāyāb' ham-safar merā
bichhe hue haiñ masarrat ke phuul rāhoñ meñ
ye kaun jalwa-fagan hai meri nigahon mein
qadam qadam pe barasta hai nur rahon mein
bharosa had se siwa tha mujhe kabhi jis par
mere KHilaf hai shamil wahi gawahon mein
supurdagi ka ye aalam bhi kya qayamat hai
simaT ke yun tera aa jaana meri bahon mein
teri panah mein rah kar bhi jo nahin mahfuz
mera shumar hai aise hi be-panahon mein
kab aasman ka phahTta hai dil ye dekhna hai
badal rahi hain meri siskiyan karahon mein
main kaise pesh karun dawa parsai ka
main ek umr mulawwis raha gunahon mein
bana hai jab se wo 'nayab' ham-safar mera
bichhe hue hain masarrat ke phul rahon mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
