jahezon ke liye baDhti rahengi talKHiyan kab tak

jahezoñ ke liye baḌhtī raheñgī talḳhiyāñ kab tak

jalā.ī jā.eñgī sasurāl meñ ye laḌkiyāñ kab tak

uḌā.eñge dinner meñ saare leader murġhiyāñ kab tak

re.āyā kunDiyoñ meñ DhūñDh khaa.e haDDiyāñ kab tak

gul-e-pazhmurda par āḳhir raheñgī titliyāñ kab tak

rachāeñge janāb-e-shaiḳh āḳhir shādiyāñ kab tak

hai ghar meñ team cricket kī zarā tū sharm kar zālim

girānī ke zamāne meñ ye liimū kairiyāñ kab tak

tumhāre va.ade va.ade haiñ kabhī puure nahīñ hote

samundar meñ raheñgī kāġhzī ye kashtiyāñ kab tak

muhāfiz hī jo dushman hoñ hamāre māl-o-izzat ke

batāo kis tarah jhele re.āyā saḳhtiyāñ kab tak

'rahīm' ab shā.irī chhoḌo lagāo paan kā Dibbā

baghāreñge janāb-e-shaiḳh-chillī shaiḳhiyāñ kab tak

jahezon ke liye baDhti rahengi talKHiyan kab tak

jalai jaengi sasural mein ye laDkiyan kab tak

uDaenge dinner mein sare leader murghiyan kab tak

reaya kunDiyon mein DhunDh khae haDDiyan kab tak

gul-e-pazhmurda par aaKHir rahengi titliyan kab tak

rachaenge janab-e-shaiKH aaKHir shadiyan kab tak

hai ghar mein team cricket ki zara tu sharm kar zalim

girani ke zamane mein ye limu kairiyan kab tak

tumhaare wade wade hain kabhi pure nahin hote

samundar mein rahengi kaghzi ye kashtiyan kab tak

muhafiz hi jo dushman hon hamare mal-o-izzat ke

batao kis tarah jhele reaya saKHtiyan kab tak

'rahim' ab shairi chhoDo lagao pan ka Dibba

baghaarenge janab-e-shaiKH-chilli shaiKHiyan kab tak