jaise hum aate hain KHidmat mein sabhi aaya karen

Mahshar Badayuni

jaise hum aate hain KHidmat mein sabhi aaya karen

Mahshar Badayuni

MORE BY Mahshar Badayuni

    jaise ham aate haiñ ḳhidmat meñ sabhī aayā kareñ

    lekin ai jān-e-karam jab ham chale jaayā kareñ

    merā zikr aate chup hone koī mudda.ā

    kuchh to āḳhir vo mire baare meñ farmāyā kareñ

    sab haiñ vaise aur koī bhī nahīñ is shahr meñ

    ye kahīñ jaane bastī hai kahāñ jaayā kareñ

    sab haiñ vaise aur koī bhī nahīñ is shahr meñ

    ye kahīñ jaane bastī hai kahāñ jaayā kareñ

    tishnagī bhī maslahat hai lekin andāze ke saath

    zarf vaale ab hameñ itnā na tarsāyā kareñ

    kal se kuchh galiyoñ meñ bāteñ ho rahī haiñ aur idhar

    ham bhī ab Thahreñge kam vo bhī guzar jaayā kareñ

    ham to qisse kahte kahte thak ga.e chup ho ga.e

    ab hamārī dāstāneñ log dohrāyā kareñ

    mujh ko ghar raunaqoñ ne ye na hogī duā

    tere sar par umr bhar tanhā.iyāñ saayā kareñ

    kyā tasallī duuñ ab is armān-e-tiflāñ par ki aap

    koī din to raat se pahle bhī ghar aayā kareñ

    ho shumār apnā bhī āsūda-nasīboñ meñ agar

    āgahī ke zaḳhm bāzāroñ meñ bik jaayā kareñ

    'mahshar' achchhā hai ḳhayāl-e-rasm-o-rāh-e-dil magar

    baat nāzuk hai zabāñ par soch kar laayā kareñ

    jaise hum aate hain KHidmat mein sabhi aaya karen

    lekin ai jaan-e-karam jab hum chale jaya karen

    mera zikr aate hi chup hone ka koi muddaa

    kuchh to aaKHir wo mere bare mein farmaya karen

    sab hain waise aur koi bhi nahin is shahr mein

    ye kahin jaane ki basti hai kahan jaya karen

    sab hain waise aur koi bhi nahin is shahr mein

    ye kahin jaane ki basti hai kahan jaya karen

    tishnagi bhi maslahat hai lekin andaze ke sath

    zarf wale ab hamein itna na tarsaya karen

    kal se kuchh galiyon mein baaten ho rahi hain aur idhar

    hum bhi ab Thahrenge kam wo bhi guzar jaya karen

    hum to qisse kahte kahte thak gae chup ho gae

    ab hamari dastanen log dohraya karen

    mujh ko ghar ki raunaqon ne ye na di hogi dua

    tere sar par umr bhar tanhaiyan saya karen

    kya tasalli dun ab is arman-e-tiflan par ki aap

    koi din to raat se pahle bhi ghar aaya karen

    ho shumar apna bhi aasuda-nasibon mein agar

    aagahi ke zaKHm bazaron mein bik jaya karen

    'mahshar' achchha hai KHayal-e-rasm-o-rah-e-dil magar

    baat nazuk hai zaban par soch kar laya karen

    Source:

    • Book : Kulliyat-e-Mahshar Badayuni (Pg. 61)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY