jaise jī chāhe mirā hausla parkhā jaa.e
duur ik dasht meñ tanhā kahīñ pheñkā jaa.e
toḌnā aur ka.ī baar banānā mujh ko
dosto itnā bhī āsān na samjhā jaa.e
rakkhā jaa.e mujhe jannat se kisī manzar meñ
paañv ke nīche hī jannat ko na rakkhā jaa.e
dekhne vaale hasīñ aañkh bahut dekhte haiñ
jo pas-e-chashm hai ġham us ko bhī dekhā jaa.e
maiñ ne kuchh bāteñ farishtoñ ko batānī haiñ abhī
arsh pe aaj usī vaqt bulāyā jaa.e
ātish-e-vaqt badal Dālegī chehre ke nuqūsh
ab mire chehre pe kuchh aur na pheñkā jaa.e
us kī takmīl meñ shāmil hai mirā puurā vajūd
ghar kī taḳhtī pe mirā naam bhī likkhā jaa.e
is kahānī kā hai 'raḳhshanda' yahī lubb-e-lubāb
pahle izzat ho to phir ba.ad meñ chāhā jaa.e
jaise ji chahe mera hausla parkha jae
dur ek dasht mein tanha kahin phenka jae
toDna aur kai bar banana mujh ko
dosto itna bhi aasan na samjha jae
rakkha jae mujhe jannat se kisi manzar mein
panw ke niche hi jannat ko na rakkha jae
dekhne wale hasin aankh bahut dekhte hain
jo pas-e-chashm hai gham us ko bhi dekha jae
main ne kuchh baaten farishton ko batani hain abhi
arsh pe aaj usi waqt bulaya jae
aatish-e-waqt badal Dalegi chehre ke nuqush
ab mere chehre pe kuchh aur na phenka jae
us ki takmil mein shamil hai mera pura wajud
ghar ki taKHti pe mera nam bhi likkha jae
is kahani ka hai 'raKHshanda' yahi lubb-e-lubab
pahle izzat ho to phir baad mein chaha jae
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.