jaise kashti aur us par baadban phaile hue
jaise kashtī aur us par bādbāñ phaile hue
mere sar par is tarah haiñ āsmāñ phaile hue
chal rahe haiñ dhuup se taptī huī saḌkoñ pe log
aur saa.e sā.ebāñ-dar-sā.ebāñ phaile hue
dekhiye kab tak rahe tanhā parinde kī uḌaan
haiñ samundar hī samundar be-karāñ phaile hue
jāgtī āñkhoñ ke ḳhvāb aur tere bāloñ ke gulāb
mere bistar par haiñ ab bhī merī jaañ phaile hue
sāneha ye hai ki ab tak vāqi.a koī nahīñ
tazkire haiñ dāstāñ-dar-dāstāñ phaile hue
maiñ to saarī umr us kī samt hī chaltā rahā
fāsle haiñ phir bhī 'zulfī' darmiyāñ phaile hue
jaise kashti aur us par baadban phaile hue
mere sar par is tarah hain aasman phaile hue
chal rahe hain dhup se tapti hui saDkon pe log
aur sae saeban-dar-saeban phaile hue
dekhiye kab tak rahe tanha parinde ki uDan
hain samundar hi samundar be-karan phaile hue
jagti aankhon ke KHwab aur tere baalon ke gulab
mere bistar par hain ab bhi meri jaan phaile hue
saneha ye hai ki ab tak waqia koi nahin
tazkire hain dastan-dar-dastan phaile hue
main to sari umr us ki samt hi chalta raha
fasle hain phir bhi 'zulfi' darmiyan phaile hue
Source:
Funoon (Monthly) (Pg. 242)
- Author: Ahmad Nadeem Qasmi
-
- Edition: 25Edition Nov. Dec. 1986
- Publisher: 4 Maklood Road, Lahore
- Year of Publication: 25Edition Nov. Dec. 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
