jaise sawal mein ho koi jawab sa

jaise savāl meñ ho koī javāb sā

rakh kar chalā gayā vo āñkhoñ meñ ḳhvāb sā

un sā hasīn koī is shahr meñ nahīñ

āñkheñ sharāb jaisī chehra kitāb sā

kāñTā chubho gayā vo dil ḳhuun ho gayā

ik chehra lag rahā thā ham ko gulāb sā

āvāra ho gayā hai ai dost ishq bhī

phirtā hai shahr-e-jāñ meñ ab be-hijāb sā

piitā rahā huuñ aañsū ik umr hijr meñ

nashsha hai un meñ sāhib bilkul sharāb sā

is rāste meñ koī mil jā.egā zarūr

achchhā sā gar na hogā hogā ḳharāb sā

aatā nahīñ nazar vo koshish ke bāvajūd

pahnā huā hai is ne kuchh to naqāb sā

kyā pūchhte ho baare 'tāhir-azīm' ke

is shahr meñ nahīñ hai koī janāb sā

jaise sawal mein ho koi jawab sa

rakh kar chala gaya wo aankhon mein KHwab sa

un sa hasin koi is shahr mein nahin

aankhen sharab jaisi chehra kitab sa

kanTa chubho gaya wo dil KHun ho gaya

ek chehra lag raha tha hum ko gulab sa

aawara ho gaya hai ai dost ishq bhi

phirta hai shahr-e-jaan mein ab be-hijab sa

pita raha hun aansu ek umr hijr mein

nashsha hai un mein sahib bilkul sharab sa

is raste mein koi mil jaega zarur

achchha sa gar na hoga hoga KHarab sa

aata nahin nazar wo koshish ke bawajud

pahna hua hai is ne kuchh to naqab sa

kya puchhte ho bare 'tahir-azim' ke

is shahr mein nahin hai koi janab sa