jal ke aatish mein miyan KHud ko jalate hain charagh

jal ke ātish meñ miyāñ ḳhud ko jalāte haiñ charāġh

ghup añdhere meñ bhī farz apnā nibhāte haiñ charāġh

kaun kahtā hai ki sūraj ke barābar hai charāġh

log jāhil haiñ ki sūraj ko dikhāte haiñ charāġh

ye nahīñ dekhte sūraj bhī yahāñ haiñ baiThe

log pāgal haiñ ki mahfil meñ sajāte haiñ charāġh

bhaa.ī halkā nahīñ lenā hai kisī ek ko bhī

raakh kar dete haiñ jab taish meñ aate haiñ charāġh

jin ko 'hamza' mire hāthoñ ne diyā ek vajūd

hai ajab ab ye mujhe aañkh dikhāte haiñ charāġh

jal ke aatish mein miyan KHud ko jalate hain charagh

ghup andhere mein bhi farz apna nibhate hain charagh

kaun kahta hai ki suraj ke barabar hai charagh

log jahil hain ki suraj ko dikhate hain charagh

ye nahin dekhte suraj bhi yahan hain baiThe

log pagal hain ki mahfil mein sajate hain charagh

bhai halka nahin lena hai kisi ek ko bhi

rakh kar dete hain jab taish mein aate hain charagh

jin ko 'hamza' mere hathon ne diya ek wajud

hai ajab ab ye mujhe aankh dikhate hain charagh