jala hai kis qadar dil zauq-e-kawish-ha-e-mizhgan par

jalā hai kis qadar dil zauq-e-kāvish-hā-e-mizhgāñ par

ki sau sau nashtaroñ kī nok hai ik ik rag-e-jāñ par

paḌā hogā magar aks-e-ezār-e-lāla-gūñ varna

ye gustāḳhī hamārā ḳhuun aur qātil ke dāmāñ par

tarīq-e-ishq meñ hai rañj pahle aur ḳhushī pīchhe

madār-e-sub.h roz-e-vasl hai ik shām-e-hijrāñ par

mirī dīvāngī roz-e-qayāmat mere kaam aa.ī

qalam rahmat kā khīñchā us ne āḳhir mere isyāñ par

agar un ke taġhāful ko hai da.avā apnī tamkīñ kā

hamārī ḳhud-farāmoshī ko hai naaz apne nisyāñ par

jala hai kis qadar dil zauq-e-kawish-ha-e-mizhgan par

ki sau sau nashtaron ki nok hai ek ek rag-e-jaan par

paDa hoga magar aks-e-ezar-e-lala-gun warna

ye gustaKHi hamara KHun aur qatil ke daman par

tariq-e-ishq mein hai ranj pahle aur KHushi pichhe

madar-e-subh roz-e-wasl hai ek sham-e-hijran par

meri diwangi roz-e-qayamat mere kaam aai

qalam rahmat ka khincha us ne aaKHir mere isyan par

agar un ke taghaful ko hai dawa apni tamkin ka

hamari KHud-faramoshi ko hai naz apne nisyan par