jalne do nasheman ko jalta hai to jal jae

jalne do nasheman ko jaltā hai to jal jaa.e

bhaḌke hue sho.aloñ kā armāñ to nikal jaa.e

dīvānoñ kā kyā maslak dīvāne to dīvāne

jo dil meñ samā jaa.e jo muñh se nikal jaa.e

lab tak to na aa.egā rāz-e-ġham-e-dil lekin

mumkin hai ye afsāna palkoñ se machal jaa.e

us zauq-e-tajassus kī azmat ko ḳhudā jaane

jo hadd-e-ta.ayyun se kuchh aage nikal jaa.e

ai ahl-e-chaman ham to is zehn ke hāmil haiñ

phūloñ ko jo Thukrā de kāñToñ se bahal jaa.e

kuchh rang to bharne do tasvīr-e-mohabbat meñ

ye merā muqaddar hai bigḌe ki sañbhal jaa.e

tum mere nasheman ke jalne pe to hañste ho

lekin jo koī sho.ala ruḳh apnā badal jaa.e

fariyād kī lai meñ bhī 'hairat' koī nudrat ho

is tarah ki har naala naġhmāt meñ Dhal jaa.e

jalne do nasheman ko jalta hai to jal jae

bhaDke hue shoalon ka arman to nikal jae

diwanon ka kya maslak diwane to diwane

jo dil mein sama jae jo munh se nikal jae

lab tak to na aaega raaz-e-gham-e-dil lekin

mumkin hai ye afsana palkon se machal jae

us zauq-e-tajassus ki azmat ko KHuda jaane

jo hadd-e-tayyun se kuchh aage nikal jae

ai ahl-e-chaman hum to is zehn ke hamil hain

phulon ko jo Thukra de kanTon se bahal jae

kuchh rang to bharne do taswir-e-mohabbat mein

ye mera muqaddar hai bigDe ki sanbhal jae

tum mere nasheman ke jalne pe to hanste ho

lekin jo koi shoala ruKH apna badal jae

fariyaad ki lai mein bhi 'hairat' koi nudrat ho

is tarah ki har nala naghmat mein Dhal jae