jalwa-e-gul ka sabab dida-e-tar hai ki nahin

Majrooh Sultanpuri

jalwa-e-gul ka sabab dida-e-tar hai ki nahin

Majrooh Sultanpuri

MORE BYMajrooh Sultanpuri

    jalva-e-gul sabab dīda-e-tar hai ki nahīñ

    merī aahoñ se bahārāñ sahar hai ki nahīñ

    rāh-e-gum-karda huuñ kuchh us ko ḳhabar hai ki nahīñ

    us palkoñ pe sitāroñ guzar hai ki nahīñ

    dil se miltī to hai ik raah kahīñ se aa kar

    sochtā huuñ ye tirī rāhguzar hai ki nahīñ

    tez ho dast-e-sitam de bhī sharāb ai saaqī

    teġh gardan pe sahī jaam sipar hai ki nahīñ

    maiñ jo kahtā thā so ai rahbar-e-kotāh-ḳhirām

    terī manzil bhī mirī gard-e-safar hai ki nahīñ

    ahl-e-taqdīr ye hai mojaza-e-dast-e-amal

    jo ḳhazaf maiñ ne uThāyā vo guhar hai ki nahīñ

    dekh kaliyoñ chaTaknā sar-e-gulshan sayyād

    sab aur sab se judā apnī Dagar hai ki nahīñ

    ham rivāyāt ke munkir nahīñ lekin 'majrūh'

    zamzama-sanj mirā ḳhūn-e-jigar hai ki nahīñ

    jalwa-e-gul ka sabab dida-e-tar hai ki nahin

    meri aahon se bahaaran ki sahar hai ki nahin

    rah-e-gum-karda hun kuchh us ko KHabar hai ki nahin

    us ki palkon pe sitaron ka guzar hai ki nahin

    dil se milti to hai ek rah kahin se aa kar

    sochta hun ye teri rahguzar hai ki nahin

    tez ho dast-e-sitam de bhi sharab ai saqi

    tegh gardan pe sahi jam sipar hai ki nahin

    main jo kahta tha so ai rahbar-e-kotah-KHiram

    teri manzil bhi meri gard-e-safar hai ki nahin

    ahl-e-taqdir ye hai mojaza-e-dast-e-amal

    jo KHazaf main ne uThaya wo guhar hai ki nahin

    dekh kaliyon ka chaTakna sar-e-gulshan sayyaad

    sab ki aur sab se juda apni Dagar hai ki nahin

    hum riwayat ke munkir nahin lekin 'majruh'

    zamzama-sanj mera KHun-e-jigar hai ki nahin

    RECITATIONS

    Nomaan Shauque

    Nomaan Shauque

    Nomaan Shauque

    jalwa-e-gul ka sabab dida-e-tar hai ki nahin Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY