jalwa-e-husn agar zinat-e-kashana bane

Ghubaar Bhatti

jalwa-e-husn agar zinat-e-kashana bane

Ghubaar Bhatti

MORE BYGhubaar Bhatti

    jalva-e-husn agar zīnat-e-kāshāna bane

    dastaras sham.a ko hāsil ho to parvāna bane

    dil na hoshiyār rahe aur na dīvāna bane

    ye tamannā hai ki ḳhaak dar-e-jānāna bane

    husn ai husn ye hai terī karishma-sāzī

    ka.aba ban jaa.e kahīñ aur kahīñ but-ḳhāna bane

    hosh aur kashmakash-e-hosh ilāhī tauba

    vahī hoshiyār hai ulfat meñ jo dīvāna bane

    is tamannā se maiñ ai ishq ḳhajil hotā huuñ

    dil taqdīr ki vo husn nazrāna bane

    husn mahsūs se hai jalva-e-mutlaq matlūb

    na sahī ka.aba to dil-e-mā.il but-ḳhāna bane

    mai-parastī muayyan koī me.aar nahīñ

    jis jo zarf ho saaqī vahī paimāna bane

    un sarshār nigāhoñ ke tasadduq kahiye

    hāsil-e-kaif jo paimāna-ba-paimāna bane

    soz ulfat ke ḳhudā sham.a nahīñ hai na sahī

    phūñk itnā mirī hastī ko ki parvāna bane

    sāġhar-e-dil meñ hai kaifiyyat-e-sahbā-e-alast

    buuñd buuñd us na kyuuñ hāsil-e-mai-ḳhāna bane

    aap ik roz tavajjoh se jo sun leñ sar-e-bazm

    dil rūdād har lafz ik afsāna bane

    aaj mujh ko vo mai-e-hosh-rubā de saaqī

    aur to aur dil apne se bhī begāna bane

    kaash miT miT ke mirī hastī-e-nāchīz 'ġhubār'

    ḳhaak ho jaa.e to ḳhāk-e-dar-e-jānāna bane

    jalwa-e-husn agar zinat-e-kashana bane

    dastaras shama ko hasil ho to parwana bane

    dil na hoshiyar rahe aur na diwana bane

    ye tamanna hai ki KHak dar-e-jaanana bane

    husn ai husn ye hai teri karishma-sazi

    kaba ban jae kahin aur kahin but-KHana bane

    hosh aur kashmakash-e-hosh ilahi tauba

    wahi hoshiyar hai ulfat mein jo diwana bane

    is tamanna se main ai ishq KHajil hota hun

    dil ki taqdir ki wo husn ka nazrana bane

    husn mahsus se hai jalwa-e-mutlaq matlub

    na sahi kaba to dil-e-mail but-KHana bane

    mai-parasti ka muayyan koi mear nahin

    jis ka jo zarf ho saqi wahi paimana bane

    un ki sarshaar nigahon ke tasadduq kahiye

    hasil-e-kaif jo paimana-ba-paimana bane

    soz ulfat ke KHuda shama nahin hai na sahi

    phunk itna meri hasti ko ki parwana bane

    saghar-e-dil mein hai kaifiyyat-e-sahba-e-alast

    bund bund us ki na kyun hasil-e-mai-KHana bane

    aap ek roz tawajjoh se jo sun len sar-e-bazm

    dil ki rudad ka har lafz ek afsana bane

    aaj mujh ko wo mai-e-hosh-ruba de saqi

    aur to aur dil apne se bhi begana bane

    kash miT miT ke meri hasti-e-nachiz 'ghubar'

    KHak ho jae to KHak-e-dar-e-jaanana bane

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY