jalwon ko baryab kiye ja rahi hun main

jalvoñ ko bāryāb kiye jā rahī huuñ maiñ

qalb-o-nazar ḳharāb kiye jā rahī huuñ maiñ

bahkī huuñ maiñ latīf javānī ke kaif meñ

har chiiz ko sharāb kiye jā rahī huuñ maiñ

kitnā buland hai mirī ta.amīr kā mazāq

tāroñ ko āftāb kiye jā rahī huuñ maiñ

kyoñ maiñ gunāh-e-ishq se Dartī huuñ is qadar

hastī ko kyoñ azaab kiye jā rahī huuñ maiñ

'najma' nigāh-e-shauq ko hadd-e-nigāh tak

jalvoñ se faiz-yāb kiye jā rahī huuñ maiñ

jalwon ko baryab kiye ja rahi hun main

qalb-o-nazar KHarab kiye ja rahi hun main

bahki hun main latif jawani ke kaif mein

har chiz ko sharab kiye ja rahi hun main

kitna buland hai meri tamir ka mazaq

taron ko aaftab kiye ja rahi hun main

kyon main gunah-e-ishq se Darti hun is qadar

hasti ko kyon azab kiye ja rahi hun main

'najma' nigah-e-shauq ko hadd-e-nigah tak

jalwon se faiz-yab kiye ja rahi hun main