jamal pa ke tab-o-tab-e-gham yagana hua hai

Zaheer Fatehpuri

jamal pa ke tab-o-tab-e-gham yagana hua hai

Zaheer Fatehpuri

MORE BYZaheer Fatehpuri

    jamāl ke tab-o-tāb-e-ġham yagāna huā hai

    mire liye ye zar-e-gul charāġh-e-ḳhāna huā hai

    ram-e-ḳhayāl harīf-e-ram-e-zamāna huā hai

    tulū-e-sub.h-e-tamannā payambarāna huā hai

    nayan meñ dil gulābī aks jhuum rahā hai

    dukhoñ dhuum hai aalam sharāb-ḳhāna huā hai

    bas ek jot jagī hai kahīñ koī bhī nahīñ hai

    mizāj-e-vasl ba-har-rañg-e-ārifāna huā hai

    kuchh aur dhuup mire ġham kuchh aur ashk jhamā-jham

    ghanā huā hai ye jañgal to shāmiyāna huā hai

    mire nigār-e-gurezāñ tujhe maiñ kaise bhulā duuñ

    ki parastish-e-asnām bahāna huā hai

    jagat jagat mire ko junūñ uḌaa.e phire hai

    tirī tarah tirā ġham āfat-e-zamāna huā hai

    ye chhāñv chhāñv na rovo 'zahīr' dil ko sambhālo

    Dhalī hai shaam magar yuuñ koī divāna huā hai

    jamal pa ke tab-o-tab-e-gham yagana hua hai

    mere liye ye zar-e-gul charagh-e-KHana hua hai

    ram-e-KHayal harif-e-ram-e-zamana hua hai

    tulu-e-subh-e-tamanna payambarana hua hai

    nayan mein dil ki gulabi ka aks jhum raha hai

    dukhon ki dhum hai aalam sharab-KHana hua hai

    bas ek jot jagi hai kahin koi bhi nahin hai

    mizaj-e-wasl ba-har-rang-e-arifana hua hai

    kuchh aur dhup mere gham kuchh aur ashk jhama-jham

    ghana hua hai ye jangal to shamiyana hua hai

    mere nigar-e-gurezan tujhe main kaise bhula dun

    ki tu parastish-e-asnam ka bahana hua hai

    jagat jagat mere ji ko junun uDae phire hai

    teri tarah tera gham aafat-e-zamana hua hai

    ye chhanw chhanw na rowo 'zahir' dil ko sambhaalo

    Dhali hai sham magar yun koi diwana hua hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY