janab-e-ali bichhaDne ki koi baat nahin

janāb-e-'ālī bichhaḌne kī koī baat nahīñ

hamāre siine meñ ik dil hai pāñch saat nahīñ

bahut jhijhak ke kiyā hai musāfaha tum ne

tumhāre haath meñ shāyad tumhārā haath nahīñ

zamāne bhar se ta'alluq kī parda-dārī hai

kise batā.eñ ki ab tū hamāre saath nahīñ

hamārī zaat se bāhar hameñ talāsh karo

hamārī zaat ke andar hamārī zaat nahīñ

maiñ chāhtā huuñ ta'alluq bahāl karnā magar

tumhārā dil hī nahīñ hai to koī baat nahīñ

ham apne pairoñ ko ye baat kaise samjhā.eñ

ab us galī meñ hamāre mu'āmalāt nahīñ

janab-e-'ali bichhaDne ki koi baat nahin

hamare sine mein ek dil hai panch sat nahin

bahut jhijhak ke kiya hai musafaha tum ne

tumhaare hath mein shayad tumhaara hath nahin

zamane bhar se ta'alluq ki parda-dari hai

kise bataen ki ab tu hamare sath nahin

hamari zat se bahar hamein talash karo

hamari zat ke andar hamari zat nahin

main chahta hun ta'alluq bahaal karna magar

tumhaara dil hi nahin hai to koi baat nahin

hum apne pairon ko ye baat kaise samjhaen

ab us gali mein hamare mu'amalat nahin