jang se aage ab jidal pe hain

jang se aage ab jidāl pe haiñ

go ki shamshīr ehtimāl pe haiñ

dīdanī the jo dīdanī na rahe

zaḳhm-ḳhurda haiñ indimāl pe haiñ

maut ye zindagī se kahtī hai

ab gale mil lo ham uchhāl pe haiñ

kyā ye āvāz us ġhanīm kī hai

jis ke mābain jis kī Dhaal pe haiñ

kuchh haiñ tūfān bād-o-bārāñ par

aur kuchh bād-e-barshgāl pe haiñ

ham sarāpā javāb haiñ lekin

ham bhī qaa.em kisī savāl pe haiñ

be-sutūñ āsmān-o-abr-e-ravāñ

munhasir rabb-e-zul-jalāl pe haiñ

kitnī hairat-zada haiñ dīvāreñ

naqsh in ke ruḳh-e-malāl pe haiñ

ye 'anīs'-e-nahīf aur nazār

jo bhī haiñ rashk qīl-o-qāl pe haiñ

jang se aage ab jidal pe hain

go ki shamshir ehtimal pe hain

didani the jo didani na rahe

zaKHm-KHurda hain indimal pe hain

maut ye zindagi se kahti hai

ab gale mil lo hum uchhaal pe hain

kya ye aawaz us ghanim ki hai

jis ke mabain jis ki Dhaal pe hain

kuchh hain tufan baad-o-baran par

aur kuchh baad-e-barshgal pe hain

hum sarapa jawab hain lekin

hum bhi qaem kisi sawal pe hain

be-sutun aasman-o-abr-e-rawan

munhasir rabb-e-zul-jalal pe hain

kitni hairat-zada hain diwaren

naqsh in ke ruKH-e-malal pe hain

ye 'anis'-e-nahif aur nazar

jo bhi hain rashk qil-o-qal pe hain