jangal jangal shauq se ghumo dasht ki sair mudam karo

jañgal jañgal shauq se ghūmo dasht kī sair mudām karo

'inshā'-jī ham paas bhī lekin raat kī raat qayām karo

ashkoñ se apne dil ko hikāyat dāman par irqām karo

ishq meñ jab yahī kaam hai yaar vale ke ḳhudā kā naam karo

kab se khaḌe haiñ bar meñ ḳhirāj-e-ishq ke liye sar-e-rāh-guzār

ek nazar se sāda-raḳhū ham sāda-diloñ ko ġhulām karo

dil kī matā.a to luuT rahe ho husn kī dī hai zakāt kabhī

roz-e-hisāb qarīb hai logo kuchh to savāb kā kaam karo

'mīr' se bai.at kī hai to 'inshā' miir kī bai.at bhī hai zarūr

shaam ko ro ro sub.h karo ab sub.h ko ro ro shaam karo

jangal jangal shauq se ghumo dasht ki sair mudam karo

'insha'-ji hum pas bhi lekin raat ki raat qayam karo

ashkon se apne dil ko hikayat daman par irqam karo

ishq mein jab yahi kaam hai yar wale ke KHuda ka nam karo

kab se khaDe hain bar mein KHiraj-e-ishq ke liye sar-e-rah-guzar

ek nazar se sada-raKHu hum sada-dilon ko ghulam karo

dil ki mataa to luT rahe ho husn ki di hai zakat kabhi

roz-e-hisab qarib hai logo kuchh to sawab ka kaam karo

'mir' se baiat ki hai to 'insha' mir ki baiat bhi hai zarur

sham ko ro ro subh karo ab subh ko ro ro sham karo