jangalon ka sahilon ka wadiyon ka kya karen

jangaloñ kā sāhiloñ kā vādiyoñ kā kyā kareñ

jab maza hai rāstoñ meñ manziloñ kā kyā kareñ

aadmī kā kyā kareñ ye sochtī haiñ 'aurateñ

aadmī ye sochte haiñ 'auratoñ kā kyā kareñ

zindagī kā aa.ina jab har ghaḌī ho sāmne

ghar meñ rakh kar ham bhalā phir ā.inoñ kā kyā kareñ

ham bhī auroñ kī tarah mahfūz jī lete magar

kyā kareñ ham kyā kareñ in hausloñ kā kyā kareñ

'ādatan kar hī diyā ham ne to un kā zikr phir

dil ko to ham rok leñ par 'ādatoñ kā kyā kareñ

dostī ko chhoḌ kar har kaam yāroñ ne kiyā

aap hī batlā.īye in dostoñ kā kyā kareñ

aap kyuuñ karte nahīñ haiñ karne vaale kaam ko

aap kī 'kāmil' inhīñ ham ġhaflatoñ kā kyā kareñ

jangalon ka sahilon ka wadiyon ka kya karen

jab maza hai raston mein manzilon ka kya karen

aadmi ka kya karen ye sochti hain 'auraten

aadmi ye sochte hain 'auraton ka kya karen

zindagi ka aaina jab har ghaDi ho samne

ghar mein rakh kar hum bhala phir aainon ka kya karen

hum bhi auron ki tarah mahfuz ji lete magar

kya karen hum kya karen in hauslon ka kya karen

'adatan kar hi diya hum ne to un ka zikr phir

dil ko to hum rok len par 'adaton ka kya karen

dosti ko chhoD kar har kaam yaron ne kiya

aap hi batlaiye in doston ka kya karen

aap kyun karte nahin hain karne wale kaam ko

aap ki 'kaamil' inhin hum ghaflaton ka kya karen