jarasimon bhari sui se tan ko si rahe hain

jarāsīmoñ bharī suuī se tan ko sī rahe haiñ

davā.ī zahr sī hai zahr bhī to pī rahe haiñ

hamārā saañs hī sartān ban jaa.e na dil kā

ham aisī habs-āmeza havā meñ jī rahe haiñ

qarantīna meñ rakhe hoñ yā ehrāmoñ ke andar

badan 'ibrat sarā māhaul par taarī rahe haiñ

tag-o-tāz-e-nafas hai maut ke madd-e-muqābil

lahū insān kā nādīda kiiḌe pī rahe haiñ

sarisht-e-ādmī meñ hārnā shāmil nahīñ hai

masā.il jo bhī haiñ hālāt jaise bhī rahe haiñ

to kyā hai gar milā deñ jhuuT aur sachchā.ī ke jiin

vo aise tajrabe vaise bhī to kar hī rahe haiñ

na.ī duniyāoñ ke jo password soche haiñ ham ne

vo 'āsim' zindagī kī ibtidā.ī kī rahe haiñ

jarasimon bhari sui se tan ko si rahe hain

dawai zahr si hai zahr bhi to pi rahe hain

hamara sans hi sartan ban jae na dil ka

hum aisi habs-ameza hawa mein ji rahe hain

qarantina mein rakhe hon ya ehramon ke andar

badan 'ibrat sara mahaul par tari rahe hain

tag-o-taz-e-nafas hai maut ke madd-e-muqabil

lahu insan ka nadida kiDe pi rahe hain

sarisht-e-admi mein haarna shamil nahin hai

masail jo bhi hain haalat jaise bhi rahe hain

to kya hai gar mila den jhuT aur sachchai ke jin

wo aise tajrabe waise bhi to kar hi rahe hain

nai duniyaon ke jo password soche hain hum ne

wo 'asim' zindagi ki ibtidai ki rahe hain