jaur-e-aflak bas-ki jhele hain

jaur-e-aflāk bas-ki jhele haiñ

aise pāpaḌ bahut se bele haiñ

gah huzūrī hai gaah hai duurī

gah akele haiñ gah do-kele haiñ

asp-e-tāzī nazar nahīñ aate

so khuroñ se bhare tavele haiñ

kahte haiñ yaañ jise qimār-e-ishq

khel aise bahut se khele haiñ

jiite haiñ vo qimār-e-ishq meñ yaar

jaan par apnī jo ki khele haiñ

Thahre kab jañg-e-husn meñ ye shaiḳh

ek muddat ke ye bhagele haiñ

paas apne duī kā naam nahīñ

jab se paidā hue akele haiñ

na dikhānā lahad meñ āñkheñ nakīr

paas apne bhī qul ke Dhele haiñ

kufr-o-dīñ kā ho faisla kyūñkar

ek muddat ke ye mañjhele haiñ

dair-o-kā'ba kī bhīḌ-bhāḌ hai kyā

aise dekhe bahut se mele haiñ

giriya-e-pur-asar kī shiddat hai

saaf āb-e-baqā ke rele haiñ

bhejā apnā ḳhayāl us but ne

jab sunā 'muntahī' akele haiñ

jaur-e-aflak bas-ki jhele hain

aise papaD bahut se bele hain

gah huzuri hai gah hai duri

gah akele hain gah do-kele hain

asp-e-tazi nazar nahin aate

so khuron se bhare tawele hain

kahte hain yan jise qimar-e-ishq

khel aise bahut se khele hain

jite hain wo qimar-e-ishq mein yar

jaan par apni jo ki khele hain

Thahre kab jang-e-husn mein ye shaiKH

ek muddat ke ye bhagele hain

pas apne dui ka nam nahin

jab se paida hue akele hain

na dikhana lahad mein aankhen nakir

pas apne bhi qul ke Dhele hain

kufr-o-din ka ho faisla kyunkar

ek muddat ke ye manjhele hain

dair-o-ka'ba ki bhiD-bhaD hai kya

aise dekhe bahut se mele hain

giriya-e-pur-asar ki shiddat hai

saf aab-e-baqa ke rele hain

bheja apna KHayal us but ne

jab suna 'muntahi' akele hain