jaur-e-zamin na tha sitam-e-asman na tha

Mirza Altaf Husain Alim Lucknowi

jaur-e-zamin na tha sitam-e-asman na tha

Mirza Altaf Husain Alim Lucknowi

MORE BYMirza Altaf Husain Alim Lucknowi

    jaur-e-zamīñ na thā sitam-e-āsmāñ na thā

    vo bhī thā vaqt jab ki ġham-e-do-jahāñ na thā

    koī bhī lutf-e-zīst tah-e-āsmāñ na thā

    duniyā mirī ḳharāb thī mehrbāñ na thā

    suntā ye kaun zabt pe qaabū nahīñ hai ab

    achchhā huā jo koī mirā rāz-dāñ na thā

    dīvāngī ne baat banā ki us se maiñ

    zid kar rahā huuñ ab ki ye merā bayāñ na thā

    badnām ḳhud hue ho zabāñ se nikāl kar

    merā sivā tumhāre koī rāz-dāñ na thā

    sajdoñ daad mil ga.ī bāb-e-qubūl se

    maanā nazar ke sāmne vo āstāñ na thā

    māyūsī-e-nazar ke manāzir haiñ ḳhaufnāk

    phir aap kaheñge mujhe ye gumāñ na thā

    vo mere sāmne the maiñ thā un ke sāmne

    jab tak ki merā raaz kisī par ayaañ na thā

    lillāh ham se qissa-e-'ālim' na pūchhiye

    sunte haiñ laash par koī bhī nauha-ḳhvāñ na thā

    jaur-e-zamin na tha sitam-e-asman na tha

    wo bhi tha waqt jab ki gham-e-do-jahan na tha

    koi bhi lutf-e-zist tah-e-asman na tha

    duniya meri KHarab thi tu mehrban na tha

    sunta ye kaun zabt pe qabu nahin hai ab

    achchha hua jo koi mera raaz-dan na tha

    diwangi ne baat bana di ki us se main

    zid kar raha hun ab ki ye mera bayan na tha

    badnam KHud hue ho zaban se nikal kar

    mera siwa tumhaare koi raaz-dan na tha

    sajdon ki dad mil gai bab-e-qubul se

    mana nazar ke samne wo aastan na tha

    mayusi-e-nazar ke manazir hain KHaufnak

    phir aap hi kahenge mujhe ye guman na tha

    wo mere samne the main tha un ke samne

    jab tak ki mera raaz kisi par ayan na tha

    lillah hum se qissa-e-'alim' na puchhiye

    sunte hain lash par koi bhi nauha-KHwan na tha

    Source :
    • Book : Intekhab-e-Kuliyat Aalim Lucknowi (Pg. 261)
    • Author : Mirza Mohammad Yousuf
    • Publication : M. R. Publication (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY