aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jawani harif-e-sitam hai to kya gham

Ali Jawwad Zaidi

jawani harif-e-sitam hai to kya gham

Ali Jawwad Zaidi

MORE BYAli Jawwad Zaidi

    javānī harīf-e-sitam hai to kyā ġham

    taġhayyur aglā qadam hai to kyā ġham

    har ik shai hai faanī to ye ġham bhī faanī

    mirī aañkh gar aaj nam hai to kyā ġham

    mire haath suljhā leñge kisī din

    abhī zulf-e-hastī meñ ḳham hai to kyā ġham

    ḳhushī kuchh tire liye to nahīñ hai

    agar haq mirā aaj kam hai to kyā ġham

    mire ḳhuuñ pasīne se gulshan baneñge

    tire bas meñ abr-e-karam hai to kyā ġham

    mirā kārvāñ baḌh rahā hai baḌhegā

    agar ruḳh pe gard-e-alam hai to kyā ġham

    ye maanā ki rahbar nahīñ hai misālī

    magar apne siine meñ dam hai to kyā ġham

    mirā kārvāñ aap rahbar hai apnā

    ye shīrāza jab tak baham hai to kyā ġham

    tire paas tabal o alam haiñ to hoñge

    mire paas zor-e-qalam hai to kyā ġham

    jawani harif-e-sitam hai to kya gham

    taghayyur hi agla qadam hai to kya gham

    har ek shai hai fani to ye gham bhi fani

    meri aankh gar aaj nam hai to kya gham

    mere hath suljha hi lenge kisi din

    abhi zulf-e-hasti mein KHam hai to kya gham

    KHushi kuchh tere hi liye to nahin hai

    agar haq mera aaj kam hai to kya gham

    mere KHun pasine se gulshan banenge

    tere bas mein abr-e-karam hai to kya gham

    mera karwan baDh raha hai baDhega

    agar ruKH pe gard-e-alam hai to kya gham

    ye mana ki rahbar nahin hai misali

    magar apne sine mein dam hai to kya gham

    mera karwan aap rahbar hai apna

    ye shiraaza jab tak baham hai to kya gham

    tere pas tabal o alam hain to honge

    mere pas zor-e-qalam hai to kya gham

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now