jawani ki haalat guzar jaegi

javānī kī hālat guzar jā.egī

chaḌhī hai jo sar par utar jā.egī

jidhar ko mirī chashm-e-tar jā.egī

udhar kaam dariyā kā kar jā.egī

zamāne kī iizā kā shikva na kar

guzarte guzarte guzar jā.egī

khulegā tujhe ishq-bāzī kā haal

ye hirs-e-havā jabki mar jā.egī

mire jism-e-ḳhākī se ho ke judā

ye rūh-e-ravāñ phir kidhar jā.egī

mire naġhmoñ se andalīb-e-chaman

kahāñ uḌ ke tū musht-e-par jā.egī

tavajjoh tirī o but-e-bevafā

mirā kaam āḳhir ko kar jā.egī

bahār-e-chaman jabki hogī ḳhizāñ

mirī vahshat-e-dil kidhar jā.egī

agar jazba-e-dil pe qaabū rahā

shab-e-vasl kī phir Thahar jā.egī

khiñchī hai jo teġh-e-mohabbat dilā

yahī ek din tere sar jā.egī

chaḌhī hogī kachche ghaḌe kī jise

utarte utarte utar jā.egī

qimār-e-mohabbat meñ gar aah kī

ye jiitī huī baazī har jā.egī

mirī marg aisī hai ai 'muntahī'

ki jis kī adam tak ḳhabar jā.egī

jawani ki haalat guzar jaegi

chaDhi hai jo sar par utar jaegi

jidhar ko meri chashm-e-tar jaegi

udhar kaam dariya ka kar jaegi

zamane ki iza ka shikwa na kar

guzarte guzarte guzar jaegi

khulega tujhe ishq-bazi ka haal

ye hirs-e-hawa jabki mar jaegi

mere jism-e-KHaki se ho ke juda

ye ruh-e-rawan phir kidhar jaegi

mere naghmon se andalib-e-chaman

kahan uD ke tu musht-e-par jaegi

tawajjoh teri o but-e-bewafa

mera kaam aaKHir ko kar jaegi

bahaar-e-chaman jabki hogi KHizan

meri wahshat-e-dil kidhar jaegi

agar jazba-e-dil pe qabu raha

shab-e-wasl ki phir Thahar jaegi

khinchi hai jo tegh-e-mohabbat dila

yahi ek din tere sar jaegi

chaDhi hogi kachche ghaDe ki jise

utarte utarte utar jaegi

qimar-e-mohabbat mein gar aah ki

ye jiti hui bazi har jaegi

meri marg aisi hai ai 'muntahi'

ki jis ki adam tak KHabar jaegi