jawani meri rang lane lagi hai

javānī mirī rañg laane lagī hai

kalī dil kī ab muskurāne lagī hai

kisī kī adā ham ko bhāne lagī hai

mohabbat ye jaadū jagāne lagī hai

mire dil kā ḳhirman jalāne lagī hai

nazar un kī bijlī girāne lagī hai

bashar kī ḳhirad gul khilāne lagī hai

na.e ab ḳhudā ye banāne lagī hai

vo guzre haiñ sehn-e-chaman se ḳhirāmāñ

fazā ḳhud-baḳhud gungunāne lagī hai

junūñ ne vo tai kar lī manzil kabhī kī

ḳhirad ab jahāñ aane jaane lagī hai

mohabbat ke kaam aa ga.ī aaj 'rif.at'

hamārī bhī miTTī Thikāne lagī hai

jawani meri rang lane lagi hai

kali dil ki ab muskurane lagi hai

kisi ki ada hum ko bhane lagi hai

mohabbat ye jadu jagane lagi hai

mere dil ka KHirman jalane lagi hai

nazar un ki bijli girane lagi hai

bashar ki KHirad gul khilane lagi hai

nae ab KHuda ye banane lagi hai

wo guzre hain sehn-e-chaman se KHiraman

faza KHud-baKHud gungunane lagi hai

junun ne wo tai kar li manzil kabhi ki

KHirad ab jahan aane jaane lagi hai

mohabbat ke kaam aa gai aaj 'rifat'

hamari bhi miTTi Thikane lagi hai