jazb-e-yaqīñ ki mā.il-e-vahm-o-gumāñ hai aaj
phir rahzanoñ kī zad meñ rah-e-kārvāñ hai aaj
phir hai numā.ish-e-qad-o-gesū kā ehtimām
shāyad junūn-o-shauq kā phir imtihāñ hai aaj
phir hai junūñ-navāz kisī kī nigāh-e-nāz
phir jumbish-e-nazar meñ koī dāstāñ hai aaj
ab ehtiyāj-e-rahbar-e-manzil nahīñ mujhe
ab jo qadam bhī uTh gayā manzil-nishāñ hai aaj
qaa.em ba-yak taġhayyur-e-paiham hai zindagī
vo kal nahīñ rahegā jo rang-e-jahāñ hai aaj
manzil-nasīb ho hī gayā kārvān-e-shauq
jo pesh-o-pas meñ gum thā vo rahbar kahāñ hai aaj
jazb-e-yaqin ki mail-e-wahm-o-guman hai aaj
phir rahzanon ki zad mein rah-e-karwan hai aaj
phir hai numaish-e-qad-o-gesu ka ehtimam
shayad junun-o-shauq ka phir imtihan hai aaj
phir hai junun-nawaz kisi ki nigah-e-naz
phir jumbish-e-nazar mein koi dastan hai aaj
ab ehtiyaj-e-rahbar-e-manzil nahin mujhe
ab jo qadam bhi uTh gaya manzil-nishan hai aaj
qaem ba-yak taghayyur-e-paiham hai zindagi
wo kal nahin rahega jo rang-e-jahan hai aaj
manzil-nasib ho hi gaya karwan-e-shauq
jo pesh-o-pas mein gum tha wo rahbar kahan hai aaj
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.